ย้อนว่าฮักและไว้ใจ น้ำกะเลยไหลออกตา
เจ็บพอปานถืกขวานผ่า ช่างกล้าเฮ็ดได้น้อคน
คำเดียวสั้นๆ เจ้าติว่าอ้ายมันจน
ช่างเป็นแผนการที่แยบยล ขี้เดียดคนจนคืออ้าย

บัดยามแต่กี้พุ่นหนา นึ่งเห็ดแจ่วปลากะบ่เคยจ่ม
จั่งแม่นคักหนอเอวกลม เจ้าล่มความหวังของอ้าย
กะฮู้อยู่ว่าอ้ายแคร์ คือเจ้าผู้เดียวแป๋ตาย
บ่เคยว่าเคยฮ้าย เจ้ายังเฮ็ดได้ลงคอ

ถิ่มกันจ้อๆ ไผหนอสิบ่สียใจ
บ่เห็นฮอดฮอยไหง่ สิอยู่จังได๋ยามท้อ
บ่ทันฮอดได้อวยพร จั่งแม่นฟ้าวคักนำหนอ
แม่นลืมอิหยังอยู่บ้อ คนห่วงบ่ทวงสัญญา

บัดยามไปอยู่กับเขา กะบ่ต้องเว้า เรื่องเก่าเด้อนาง
ด้วยเหตุผลใดกะส่าง กะให้มันจบสาหล่า
กะฮู้อยู่ว่าคนพ่าย ทำได้ส่ำเพียงเอิ้นหา
กะส่างมันเถาะน้ำตา ส่งทางให้นางไปต่อ

( ดนตรี )

ถิ่มกันจ้อๆ ไผหนอสิบ่สียใจ
บ่เห็นฮอดฮอยไหง่ สิอยู่จังได๋ยามท้อ
บ่ทันฮอดได้อวยพร จั่งแม่นฟ้าวคักนำหนอ
แม่นลืมอิหยังอยู่บ้อ คนห่วงบ่ทวงสัญญา

บัดยามไปอยู่กับเขา กะบ่ต้องเว้า เรื่องเก่าเด้อนาง
ด้วยเหตุผลใดกะส่าง กะให้มันจบสาหล่า
กะฮู้อยู่ว่าคนพ่าย ทำได้ส่ำเพียงเอิ้นหา
กะส่างมันเถาะน้ำตา ส่งทางให้นางไปต่อ

กะฮู้อยู่ว่าคนพ่าย ทำได้ส่ำเพียงเอิ้นหา
กะส่างมันเถาะน้ำตา ส่งทางให้นางไปต่อ