บ่ได้เทียบหยังกับผู้สาวคนเก่าของอ้ายดอก
แค่อยากสิบอกว่าเอาใจเก่ง บ่แพ้ไผคือกัน
มีแหน่แต่เรื่องความสวย ที่เป็นรองให้เขาท่อนั้น
เรื่องอื่นลองมาวัดกัน เพียงอยากให้อ้ายเปิดใจ

อาจสิดูเป็นคนหน้าตาซื่อๆ
มือถงมือถือบ่ได้ไฮโซคือเขา
บ่ได้สะพายกระเป๋าหรูๆเฮ็ดโตคุณหนูพากินชาบู
น้องยอมรับว่าบ่ถนัด
แต่ถ้าอ้ายมักความม่วนสไตล์บ้านๆ
อย่ามัวคิดนานให้ฟ้าวมาสิพาไปจัด
หย่างคลองถมชมตลาดนัด เบิ่งอาทิตย์ตกยามแลง

ขั่นว่าอ้ายให้เป็นแฟน ขั่นว่าอ้ายนั้นให้หย่าง
น้องกะสิพร้อมสิฮวมทาง เคียงจับมือกับอ้าย
สิพาอ้ายเที่ยวให้คุ้ม ไปเบิ่งงานกุ้มข้าวใหญ่
ไหลไปเบิ่งบุญบั้งไฟ แห่เทียนพรรษาอุบล

ขั่นว่าอ้ายเป็นแฟน ขั่นว่าอ้ายให้หย่างนำ
สิพาไปเบิ่งหมอลำ นั่งเฟียกันกะได้
คือสิมีความสุข จนบ่อยากลุกไปใส
มือได้โอบกอดอ้าย คงสุขใจในคืนฟังลำ

สิหนาวสิฮ้อน น้องนี้กะยังนอนโสดอยู่คนเดียว
พอแต่อ้ายหันเหลียวมายิ้มให้น้องในมื้อนั้น
คนอิหยังคือมาหล่อแค่เห็นแป๊ปเดียวยังใจสั่น
ขั่นได้มานอนจับมือกัน คือสิเป็นตาคึดนำ
ออนซอนหลาย..

( ดนตรี )

ขั่นว่าอ้ายให้เป็นแฟน ขั่นว่าอ้ายนั้นให้หย่าง
น้องกะสิพร้อมสิฮวมทาง เคียงจับมือกับอ้าย
สิพาอ้ายเที่ยวให้คุ้ม ไปเบิ่งงานกุ้มข้าวใหญ่
ไหลไปเบิ่งบุญบั้งไฟ แห่เทียนพรรษาอุบล

ขั่นว่าอ้ายเป็นแฟน ขั่นว่าอ้ายให้หย่างนำ
สิพาไปเบิ่งหมอลำ นั่งเฟียกันกะได้
คือสิมีความสุข จนบ่อยากลุกไปใส
มือได้โอบกอดอ้าย คงสุขใจในคืนฟังลำ

ขั่นว่าอ้ายให้เป็นแฟน ขั่นว่าอ้ายนั้นให้หย่าง
น้องกะสิพร้อมสิฮวมทาง เคียงจับมือกับอ้าย
สิพาอ้ายเที่ยวให้คุ้ม ไปเบิ่งงานกุ้มข้าวใหญ่
ไหลไปเบิ่งบุญบั้งไฟ แห่เทียนพรรษาอุบล

ขั่นว่าอ้ายเป็นแฟน ขั่นว่าอ้ายให้หย่างนำ
สิพาไปเบิ่งหมอลำ นั่งเฟียกันกะได้
คือสิมีความสุข จนบ่อยากลุกไปใส
มือได้โอบกอดอ้าย คงสุขใจในคืนฟังลำ

ถ้าอ้ายบ่ยึดติดหยังหลาย
ซอยเปิดหัวใจ มาคบกันได้บ่