เนื้อเพลง เมือบ้าน Festival รวมศิลปินแกรมมี่

เสียงเครื่องยนต์ดังแทนเสียงกลอง
ถนนทอดยาวคือเวที.. ชีวิต
บ่ได้รีบแต่ใจมันฮู้ว่า
ปลายทางคือ… บ้านเฮา

( ดนตรี )

ลางานตั้งแต่ฟ้ายังบ่ฮอดสาง
กระเป๋าใบเก่าใส่ฝันเต็มคันรถ
เสื้อผ้าไม่กี่ชุดแต่หัวใจพองโต
มีคำว่าบ้านเป็นจุดหมายปลายทาง

รถติดยาวเหยียดจนคิดไปใจเหนื่อย
เหงื่อไหลปนยิ้ม คนข้างๆ กะคือกัน
แวะปั๊มเติมน้ำมัน เติมเสียงหัวเราะ
เข้าคิวห้องน้ำยาวพอๆ
กับความคิดฮอดบ้าน

ถ้าใจบ่รีบกว่าล้อรถที่หมุน
สิฮู้ว่าเส้นทางนี้.. ล่ะมันกะงามคือกัน

* เมือบ้าน Festival บ่ได้มีเวทีใหญ่
แต่มีรอยยิ้มคนไกลบ้าน มารวมกันเต็มถนน
รถติดคือขบวนแห่ แวะปั๊มคือจุดพักใจ
เหนื่อยบ่ถอยเพราะปลายทางมีอ้อมกอดรออยู่
เมือบ้าน Festival บ่ต้องมีตั๋วผ่าน
แค่มีหัวใจฮักบ้านกะเข้างานได้ทุกคน
ถึงช้า ถึงล้า กะอย่าสิฟ้าวบ่น
หนทางเมือบ้าน…กำลังจัดงานให้เฮา

เสียงเด็กน้อยถามว่าเมื่อไหร่สิฮอด
เสียงแม่โทรมาบอกว่าทำกับข้าวรอ
ไฟท้ายแดงยาวคือดาวบนดิน
แต่ในรถคันนี้มีความหวังเต็มคัน
โอ้ โฮ๊ะโอ.. โฮ๊ะโอ่ โอ้.. โฮ๊ะโอ้
มันยืดเวลาให้คิดถึงนานขึ้น
บางเทือความสุข บ่ได้อยู่ที่ฮอดไว
แต่อยู่ที่ได้.. ไปนำกัน

* เมือบ้าน Festival บ่ได้มีเวทีใหญ่
แต่มีรอยยิ้มคนไกลบ้าน มารวมกันเต็มถนน
รถติดคือขบวนแห่ แวะปั๊มคือจุดพักใจ
เหนื่อยบ่ถอยเพราะปลายทางมีอ้อมกอดรออยู่
เมือบ้าน Festival บ่ต้องมีตั๋วผ่าน
แค่มีหัวใจฮักบ้านกะเข้างานได้ทุกคน
ถึงช้า ถึงล้า กะอย่าสิฟ้าวบ่น
หนทางเมือบ้าน…กำลังจัดงานให้เฮา

ถ้าวันใดเจ้าเมื่อยกับเมืองใหญ่
อย่าลืมว่ายังมีทางกลับเสมอ
บ้านอาจบ่รวยแต่ใจบ่เคยจน
แค่ได้จอดรถหน้าบ้าน.. กะพอแล้ว

* เมือบ้าน Festival คือเทศกาลของหัวใจ
ที่คนไกลบ้านได้กลับมาเป็นคนเดิม
รถติดบ่แม่นปัญหา มีแต่ม่วนล่ะเพิ่มเติม
ให้ฮู้ว่าเฮายังฮักบ้านหลายคือเก่า
เครื่องยนต์ดับลงหน้าบ้านหลังเดิม
เสียงแม่เรียกชื่อดังชัดกว่าทุกเพลง
งานเมือบ้าน Festival
จบลงด้วยคำว่า.. ฮอดบ้านแล้วเด้อ..