เทียวทางบ่สุดเส้น อย่าถอยหลังให้เขาว่า
ตายให้ตายหน้าพุ้น เขาจั่งเอิ้นว่าหาญ
คำโบราณเพิ่นว่าไว้ เป็นอุบายให้ลูกหลาน
เฮามาจากไสสิฮู้กัน..เอิ้นสั้นๆ คือคนบ้านเฮา

เว้าลาวจ้อยจ้อยๆ ไผสิหมิ่นบ่เคยอาย
จังแม่นภูมิใจหลาย ได้เกิดได้ใหญ่อยู่บ้านเฮา
โลโก้คนขายแรง บ่ได้มาแข่งกับไผเขา
จักมื้อต้องเป็นมื้อของเฮา..
คิดพ้อคำเว้าแล้วมีแฮงหัวใจ..

* แม่นว่าเกิดชาติใด๋ กะขอให้เป็นคนบ้านเฮา
ไผว่าบ้านนอกกะส่างเขา พอใจเฮากะส่ำนี้
ศักดิ์ศรีของความเป็นคน คือบ่ได้ปล้นผู้ใด๋มี
พ่อแม่เพิ่นสั่งไว้อย่างดี อยากได้อยากมีให้อดเอา
คิดพ้อคำเว้าแล้วมีแฮงหัวใจ..

( ดนตรี )

คั่นบ่ออกจากบ้าน บ่เห็นด่านแดนไกล
คั่นบ่ไปฮำเฮียนกะบ่มีความฮู้
คั่นเจ้าได้ขี่ช้าง กั้งห่มเป็นพญา
อย่าลืมบิดรมารดา ผู้สอนสั่งวิชาสู้
ฮู้กันเนาะยี่ห้อเรา..

ใหญ่ย้อนคำข้าวแม่ สิบ่แพ้แค่คำคน
ไผสิหมิ่นว่าเฮาจน บ่สนดอกแนวใจใหญ่
ยอมไกลบ้านเคยอยู่ มาบืนมาสู้แบบโสตาย
ปั้นข้าวเหนียวยามใด๋..ยังเผลอเว้ากับหัวใจ..

* แม่นว่าเกิดชาติใด๋ กะขอให้เป็นคนบ้านเฮา
ไผว่าบ้านนอกกะส่างเขา พอใจเฮากะส่ำนี้
ศักดิ์ศรีของความเป็นคน คือบ่ได้ปล้นผู้ใด๋มี
พ่อแม่เพิ่นสั่งไว้อย่างดี อยากได้อยากมีให้อดเอา
คิดพ้อคำเว้าแล้วมีแฮงหัวใจ..

คั่นบ่ออกจากบ้านบ่เห็นด่านแดนไกล
คั่นบ่ไปฮำเฮียนกะบ่มีความฮู้
คั่นเจ้าได้ขี่ช้าง กั้งห่มเป็นพญา
อย่าลืมบิดรมารดา.. ผู้สอนสั่งวิชาสู้
นี่ล่ะเนาะยี่ห้อเรา..
มือปั้นข้าวเหนียวยามเหงา ยังเผลอเว้ากับหัวใจ
เกิดชาติใด๋ให้ได้เป็นคนบ้านเฮา..